1. Suliffissaaleqineq

2020-mi agguaqatigiissillugu qaammatit tamaasa 1.431-t suliffissaaleqisutut nalunaarsorsimapput. Takussutissiaq 1.1 malillugu sulisinnaasut 5,3 pct.-iannik tamanna annertussuseqarpoq. Qaammatikkaartumik suliffissaaleqineq 2019-imut naleqqiullugu inunnik 44-nik 3,2 pct.-imik annertutigaluni qaffariarsimavoq.

 

Takussutissiaq 1.1 Suliffissaaleqineq aamma pct.-inngornera najugaqarfinnut suiaassutsinullu agguaallugit

	Suliffissaaleqineq					Suliffissaaleqineq pct.-inngorlugu
	2016	2017	2018	2019	2020	2016	2017	2018	2019	2020
	Inuit amerlassusaat					Pct.
Tamakkerlutik	1.971	1.858	1.582	1.387	1.431	7,3	6,8	5,8	5,1	5,3
Illoqarfinni	1.641	1.521	1.283	1.126	1.163	7,0	6,4	5,4	4,7	4,9
Nunaqarfinni il.il.	330	337	298	261	269	9,6	10,0	9,0	8,1	8,5
Angutit	1.049	1.009	846	756	786	7,1	6,8	5,7	5,1	5,4
Arnat	923	849	736	632	646	7,6	6,9	5,9	5,1	5,2

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNLED3 aamma https://bank.stat.gl/ARNLED4

Malugiuk: 1.januaari 2017 aallarnerfigalungu utoqqalinermi soraarnerussutisiaqalersinnaaneq 65-iniit 67-inut ukiulinnut qaffanneqarpoq. 2017-imiit 18-iniit 65-inut ukiullit suliffissaaleqisutut nalunaarsorsimasut takussutissiarineqartalerput.

 

Suliffissaaleqineq annertooq illoqarfinni atuuppoq. 2020-mi agguaqatigiissillugu inuit 1.163-it illoqarfinni suliffissaaleqisimapput, 269-illu nunaqarfinni. 2019-mut naleqqiullugit illoqarfinni suliffissaaleqisut 37-nik amerlanerulersimapput, nunaqarfinnilu arfineq-pingasunik.

 

Suliffissaaleqineq illoqarfinni annertunerungaluartoq, sulisinnaasut akornanni suliffissaleqinerup procentinngornera nunaqarfinni annertuneruvoq. 2020-mi nunaqarfinni sulisinnaasut akornanni agguaqatigiissillugu 8,5 pct.-ii qaammatit tamaasa suliffissaaleqinermik eqqugaasarsimapput, illoqarfinni sulisinnaasut akornanni 4,9 pct.-ii suliffissaaleqisutut nalunaarsorsimasut.

 

Qaammatip ingerlanerani angutit arnanit amerlanerusut suliffissaaleqinermik eqqugaasarsimapput. 2020-mi agguaqatigiissillugu angutit 786-it arnanit 646-nit amerlanerullutik qaammatit tamaasa suliffissaaleqisutut nalunaartarsimapput. Taamaasilluni 2020-mi sulisinnaasut akornanni angutit agguaqatigiissillugu 5,4 pct.-ii arnallu 5,2 pct.-ii qaammatit tamaasa suliffissaaleqisimallutik.

 

Titartagaq 1.2 Suliffissaaleqineq pct.-inngorlugu

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNLED4

Malugiuk: 1.januaari 2017 aallarnerfigalungu utoqqalinermi soraarnerussutisiaqalersinnaaneq 65-iniit 67-inut ukiulinnut qaffanneqarpoq. 2017-imiit 18-iniit 65-inut ukiullit suliffissaaleqisutut nalunaarsorsimasut takussutissiarineqartalerput.

 

Titartagaq 1.2 malillugu suliffissaaleqineq ukiup ingerlanerani piffissat nikerarnerannit annertuumik sunnerneqartarpoq. Suliffissaaleqineq ukiukkut annertunerpaasarpoq – kvartalit siullianni anginerpaalluni – aasakkullu annikinnerpaasarpoq, kvartalillu pingajuanni annikinnerpaalluni. Ukiut kingulliit ingerlanerini piffissat nikinnerisa sunniisarnerat siornatigornit annikinnerulersimavoq. Piffissami 2016-imiit 2018-imut kvartalit pingajuanni suliffissaaleqineq procentinngorlugu ukiuni pineqartuni kvartalit siulliannit 4 procentpointinik annikinneruvoq. 2020-milu 1,7 pct.-inik appaqqippoq. 2020-mili kvartalini kingullerni pingasuni ukiumi siuliani piffissani pineqartuni suliffissaaleqineq annertuneruvoq

 

Titartagaq 1.3 Suliffissaaleqineq pct.-inngorlugu suiaassutsit malillugit

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNLED4

Malugiuk: 1.januaari 2017 aallarnerfigalungu utoqqalinermi soraarnerussutisiaqalersinnaaneq 65-iniit 67-inut ukiulinnut qaffanneqarpoq. 2017-imiit 18-iniit 65-inut ukiullit suliffissaaleqisutut nalunaarsorsimasut takussutissiarineqartalerput.

 

Ukiumut piffiit nikittarneri malillugit suliffissaaleqinermi titartagaq 1.3 malillugu angutit arnanit amerlanerupput. Angutit arnaniit piffiit nikittarneri malillugit inuussutissarsiorluni suliaqarfinni sulinerusarnerannik tamanna nassuiarneqarsinnaavoq, pingaartumik aalisarnerup iluani, arnalli suliffillit 68 pct.-it missaanniittut annertunerpaartaat pisortat suliffeqarfiutaanni sulisuunerannik, tassanilu ukiup ingerlanerani suliffeqarnerup annertussusaata aalaakkaanerusumik ingerlasarneranik.

 

Titartagaq 1.4 2020-mi suliffissaaleqineq pct.-inngorlugu najugaqarfiit malillugit

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNLED4

 

Titartagaq 1.4-rimi takussutissiaq 1.5-imilu takuneqarsinaasutut najugaqarfiit akornanni suliffissaaleqinerup procentinngorneri annertuumik assigiinngiiaarput. 2020-mi najugaqarfimmi Uummannami suliffissaaleqinerup procentinngornera 1,8 pct.-imiilluni annikinnerpaavoq, tulliulluni najugaqarfik Upernavimmi 2,5 pct.-imiilluni. Najugaqarfik Tasiilaq paarlattuanik inissisimavoq, 2020-milu sulisinnaasut akornanni suliffissaaleqineq procentinngorlugu 21,8 pct-inik annertussuseqarpoq. Najugaqarfik Qeqertarsuaq 5,2 pct.-imi inissisimavoq, nunalu tamakkerlugu agguaqatigiissitsinermut qaninnerpaalluni. Najugaqarfimmi Nuummi suliffissaaleqineq 3,1 pct.-imiippoq.

 

Takussutissiaq 1.5 Suliffissaaleqineq aamma pct.-inngornera najugaqarfinnut agguaallugit

	Suliffissaaleqineq					Suliffissaaleqineq pct.-inngorlugu
	2016	2017	2018	2019	2020	2016	2017	2018	2019	2020
	Inuit amerlassusaat					Pct.
Nuna tamakkerlugu..	1.971	1.858	1.582	1.387	1.431	7,3	6,8	5,8	5,1	5,3
Nanortalik .....	95	124	118	98	102	12,7	16,8	16,6	14,2	14,5
Qaqortoq ......	141	146	128	113	115	9,3	9,6	8,5	7,6	7,8
Narsaq ........	95	93	82	75	66	13,2	12,6	11,1	10,4	8,9
Paamiut .......	98	91	68	57	48	14,1	13,6	10,4	9,3	8,3
Nuuk .........	492	418	318	263	299	5,3	4,3	3,3	2,7	3,1
Maniitsoq ......	90	91	107	98	90	5,7	5,8	6,6	6,4	6,2
Sisimiut .......	135	120	112	151	160	4,5	3,9	3,7	4,8	5,1
Kangaatsiaq ...	62	60	73	65	59	11,9	11,1	13,6	13,1	12,0
Aasiaat .......	78	90	84	62	58	5,6	6,4	5,8	4,5	4,1
Qasigiannguit ..	32	28	26	22	16	5,7	5,1	4,6	3,8	2,9
Ilulissat .......	105	82	68	60	68	4,4	3,5	2,9	2,5	2,9
Qeqertarsuaq ..	31	31	18	17	20	8,1	7,8	4,6	4,4	5,2
Uummannaq ...	57	41	33	19	20	5,1	3,7	3,0	1,7	1,8
Upernavik .....	76	66	37	23	30	6,5	5,7	3,2	1,9	2,5
Qaanaaq ......	55	39	28	20	21	18,0	12,9	9,2	6,8	7,2
Tasiilaq .......	305	318	266	238	253	24,6	25,0	21,1	19,7	21,8
Ittoqqortoormiit	25	21	15	6	7	15,2	13,3	10,2	4,6	4,9

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNLED3 aamma https://bank.stat.gl/ARNLED4

Malugiuk: 1.januaari 2017 aallarnerfigalungu utoqqalinermi soraarnerussutisiaqalersinnaaneq 65-iniit 67-inut ukiulinnut qaffanneqarpoq. 2017-imiit 18-iniit 65-inut ukiullit suliffissaaleqisutut nalunaarsorsimasut takussutissiarineqartalerput.

 

Titartagaq 1.6 malillugu ukiut immikkoortiternerini tamani suliffissaaleqinerup annertussusaa nunaqarfinni annertunerpaavoq illoqarfinnilu annikinnerpaalluni. Ukiut immikkoortiternerini inuusunnerusut akornanni assigiinngissut annertuneruvoq. Nunaqarfinni inuusuttut 30-t inorlugit ukiullit suliffissaaneqinermik annertuumik eqqugaaqqammata.

 

Titartagaq 1.6 2020-mi suliffissaaleqineq pct.-inngorlugu ukiut najugaqarfillu malillugit

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNLED4

 

Taamatuttaaq suiaassutsit akornanni ukiut malillugit suliffissaaleqineq assigiinngiiaarpoq. Arnat 35-t inorlugit ukiullit akornanni procentinngorlugu suliffissaaleqinerat angutinit annertuneruvoq, ukiulli immikkoortiternerini arlalinni utoqqaanerusuni tamanna killormoorpoq.

 

Titartagaq 1.7 2020-mi suliffissaaleqineq pct.-inngorlugu ukiut suiaassutsillu malillugit

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNLED4

 

Takussutissiaq 1.8 malillugu suliffissaaleqinermik eqqugaasartut annerpaartaat, imaluunniit missiliorlugu suliffissaaleqisut 82 pct.-ii, meeqqat atuarfiannit qaffasinnerusumik ilinniagaqarsimanngillat. Taamaattoq taakkuupput piffissami 2016-imiit 2019-imut ilinniakkat immikkoortiterneri malillugit suliffissaaleqinermi annertunerpaamik appariaateqarsimasut. 2020-mi meeqqat atuarfiannik qaffasinnerpaatut ilinniakkamik naammassinnissimasut suliffissaaleqinerat 8,8 pct.-imiippoq.

 

Ilinniakkat malillugit immikkoortiterinermi suliffissaaleqineq nuna tamakkerlugu agguaqatigiissitsinermit 5,3 pct.-iusumit annikinneruvoq. Pingaartumik Ingerlariaqqiffiusumik ilinniagallit akornanni suliffissaaleqineq appasippoq, 2020-milu sulisinnaasut akornanni pineqartut suliffissaaleqinerat 0,5 pct.-imiippoq.

 

Takussutissiaq 1.8 Suliffissaaleqineq aamma pct.-inngornera ilinniakkanut qaffasinnerpaatut naammassisimasanut agguaallugit

	Suliffissaaleqineq					Suliffissaaleqineq pct.-inngorlugu
	2016	2017	2018	2019	2020	2016	2017	2018	2019	2020
	Inuit amerlassusaat					Pct.
Tamakkerlutik	1.971	1.858	1.582	1.387	1.431	7,3	6,8	5,8	5,1	5,3
Meeqqat atuarfiat	1.681	1.565	1.325	1.158	1.179	11,7	11,0	9,4	8,4	8,8
Ilinniarnertuunngorniarneq	31	33	30	27	25	2,4	2,4	2,2	1,9	1,7
Inuussutissarsiornermik ilinniakkat katillugit	207	214	185	162	179	3,3	3,3	2,8	2,5	2,7
- Eqqumiitsuliorneq aamma humaniora .........	11	9	7	6	7	6,1	5,0	4,2	3,5	4,0
- Inuussutissarsiorneq, allaffissorneq inatsisilerinerlu	14	15	13	11	15	1,8	1,8	1,5	1,2	1,7
- Ingeniørinngorniarneq, tunisassiorneq sanaartornerlu  ...........................	66	63	52	45	48	2,9	2,7	2,3	2,0	2,1
- Nunalerineq, orpippassualerineq, aalisarneq uumasunullu nakorsaqarneq  ................	16	22	16	19	21	6,3	8,4	6,3	7,3	8,3
- Peqqinnissaq atugarissaarnerlu  .............	43	47	41	34	37	2,9	3,1	2,6	2,2	2,3
- Kiffartuussinermi ilinniakkat  .................	56	57	55	46	49	4,7	4,5	4,2	3,5	3,6
- Allat  ..................................	1	1	1	1	2	1,5	1,0	0,9	1,2	1,5
Qaffassarluni pikkorissarneq .................	32	26	24	22	27	3,0	2,3	2,1	2,0	2,3
Ingerlariaqqiffiusumik ilinniarneq ..............	20	20	18	18	23	0,5	0,5	0,4	0,4	0,5

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNLED6 aamma https://bank.stat.gl/ARNLED7

Malugiuk: 1.januaari 2017 aallarnerfigalungu utoqqalinermi soraarnerussutisiaqalersinnaaneq 65-iniit 67-inut ukiulinnut qaffanneqarpoq. 2017-imiit 18-iniit 65-inut ukiullit suliffissaaleqisutut nalunaarsorsimasut takussutissiarineqartalerput.

 

Takussutissiaq 1.8-mi takuneqarsinnaasututtaaq ilinniagaqarfiit assigiinngitsut akornanni inuussutissarsiornermi ilinniakkamik qaffasinnerpaatut naammassinnissimasuni suliffissaaleqineq assigiinngiiaarpoq. Inuussutissarsiornermik ilinniarsimasut akornanni Nunalerinermik, orpippassualerinermik, aalisarnermik uumasunullu nakorsaqarnermik ilinniakkanik naammassinnissimasut (assersuutigalungu aalisartunut ikiortit aamma qalulerisut) 2020-mi suliffissaaleqinerat 8,3 pct.-imik annertussuseqarpoq, Kiffartuussinermilli suliaqarfimmi (assersuutigalungu terminalini sulisut igasullu) suliffissaaleqinerat 3,6 pct.-imiilluni. 2019-imut sanilliussinermi Nunalerinermi, orpippassualerinermi, aaalisarnermi uumasunullu nakorsaqarnermi suliffissaaleqineq 1 procentpointinik qaffariarsimavoq.

 

Inuussutissarsiornermik ilinniagaqarsimasut akornanni suliaqarfinni Allani (assersuutigalungu IT-mik aqutsinermi ilinniarsimasuni) suliffissaaleqineq 1,5 pct.-iinnarmiilluni annikinnerpaavoq. Taamatullu suliaqarfinni Inuussutissarsiornermi, allaffissornermi inatsisilerinermilu ilinniagaqarsimasut (HK-assistentit aamma niuertarfinni sulisussatut ilinniarsimasut) kiisalu Ingeniørinngorniarnermik, tunisassiornermik sanaartornermilu ilinniagaqarsimasut suliffissaaleqinerat annikippoq, tassani sulisinnaasut 1,7 pct.-ii aamma 2,1 pct.-ii ilinniagaqarfinni taakkartukkani 2020-mi agguaqatigiissillugu qaammammut suliffissaaleqisimammata.

 

Kisitsisit ataatsimut katinnerini Kiffartuussinermi inuussutissarsiornermik ilinniakkamik qaffasinnerpaatut naammassinnissimasut suliffissaaleqinerat annertunerpaavoq, 2020-mi qaammammut agguaqatigiissillugu inuit 49-t suliffissaaleqisimammata. Pineqartut suliffissaaleqisut inuussutissarsiornermillu qaffasinnerpaatut ilinniakkamik naammassinnissimasut tamakkerlugit sisamararterutaattut amerlassuseqarput.

 

Takussutissiaq 1.9-mi takuneqarsinnaasutut 2020-p ingerlanerani inuit 4.520-t minnerpaamik qaammammi ataatsimi suliffissaaleqinermik eqqugaasimapput. Tamanna takussutissiaq 1.8-mi takutinneqareersutut agguaqatigiissillugu qammammut suliffissaaleqisimasunit 1.431-nit pingasoriaat sinnerlugu qaffasinneruvoq. Takuneqarsinnaavortaaq 2020-mi suliffissaaleqisimasut tamakkerlutik 60,3 pct.-ii annerpaamik qaammatini pingasuni suliffissaaleqisimasut, 9,5 pct.-iilu qaammatini quliniit aqqaneq-marlunni suliffissaaleqisutut nalunaarsorneqarsimallutik.

 

Takussutissiaq 1.9 2020-mi suliffissaaleqineq suiaassutsit, najugaqarfik qaammatillu suliffissaaleqiffiit malillugit

	Qaammatit suliffissaaleqiffiit
	Minnerpaamik qaammat ataaseq		Qaammatit 1-3		Qaammatit 4-6		Qaammatit 7-9	Qaammatit 10-12
	Najugaqarfiit tamarmik
Tamakkerlutik	4.520	2.769		868		453		430
Angutit.......	2.394	1.405		498		244		247
Arnat .......	2.126	1.364		370		209		183
	Illoqarfiit
Tamakkerlutik	3.634	2.211		698		374		351
Angutit ......	1.967	1.152		405		200		210
Arnat .......	1.667	1.059		293		174		141
	Nunaqarfiit il.il.
Tamakkerlutik	886	558		170		79		79
Angutit ......	427	253		93		44		37
Arnat .......	459	305		77		35		42

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNLED5